2 de marzo de 2015, 14:37
O alcalde de Sober, Luis Fernández Guitián, dixo que hoxe recibiu confirmación oficial de que o presidente do Atlético de Madrid e produtor de cine, Enrique Cerezo, aceptou o convite do Concello para ser o pregoeiro da XXXV Feira do Viño de Amandi, que se celebra os días 28 e 29 de marzo.
Nun comunicado, o rexedor local subliñou a súa satisfacción polo feito de que Cerezo aceptase este convite, dado que "é unha persoalidade destacada e coñecida". "O noso obxectivo é que os pregoeiros que veñan a Sober poidan difundir todos os nosos tesouros e cremos que Cerezo pode levar o noso nome e o noso viño polo mundo enteiro", engadiu o rexedor local.
A lectura do pregón producirase o domingo -día 29- ás 13:00 horas.
