O curso iniciouse o 10 de setembro para algo máis de 200.000 (200.061) alumnas e alumnos de Infantil e Primaria, un 0,3 % menos ca no ano académico anterior. No caso de secundaria e FP (coa matrícula aínda en curso) foron máis de 200.000 as alumnas e alumnos que comezaron o 15 de setembro, un 0,6% máis ca no ano académico anterior. O número de profesores estimado, sitúase nos 30.354, igual ca no curso 13/14
 |  |
CLAVES DO PRIMEIRO CURSO DE APLICACIÓN DA LOMCE EN GALICIA
(Ley Orgánica para a Mellora da Calidade Educativa)
Este ano Galicia únese ás outras 8 Comunidades Autónomas que contan xa cunha normativa con rango de decreto para regular para as ensinanzas de primaria modificadas pola Lei Orgánica para a Mellora da Calidade Educativa (LOMCE) que se implantan no 2014/2015 (Asturias, Canarias, Cantabria, Castela-A Mancha, Extremadura, Madrid, A Rioxa e Valencia.
 |
COMEDORES ESCOLARES
A Consellería de Cultura, Educación e Ordenación Universitaria ten previsto incrementar en 1.400 os usuarios dos comedores escolares que xestiona – tanto de forma directa como indirecta- este curso.
 |
TRANSPORTE
Este curso, uns 93.190 escolares beneficiaránse do servico de transorte , en 3.846 rutas. O número de transportados do 13/14 foi de 91.283, polo tanto, este curso increméntase nun 2%.
 |
Cómpre salientar que, a maiores, a Consellería de Cultura, Educación e Ordenación Universitaria facilita o transporte escolar de 186 alumnas e alumnos con discapacidades, a través dos convenios asinados coa Asociación de atención á parálise cerebral e afíns Amencer-Aspace, coa Asociación en favor das persoas con discapacidade intelectual (ASPANAEX), coa Cruz Vermella, coa Asociación Comarcal de Educación Especial Santísimo Cristo del Amor (ACEESCA), coa Asociación Grupo de Persoas con Discapacidade da Coruña (GRUMICO), con Baión Asociación para o Tratamento do Autismo (BATA) e coa Asociación Socio—Cultural de Minusválidos (ASCM—Ferrol), o que supón un investimento anual de máis de 367.000 euros.
 |
 | PLURILINGÜISMO O Plan de potenciación das linguas estranxeiras da Consellería de Cultura, Educación e Ordenación Universitaria chegará o vindeiro curso a preto de 85.500 alumnas e alumnos, un 18,4% máis ca no ano académico 2013/2014. Para obter máis información fai click aquí
|
AXUDAS LIBROS DE TEXTO (NON MATERIAL ESCOLAR)
A Consellería de Cultura e Educación é a Comunidade Autónoma con máis axudas (e de maior importe) á compra de libros de texto, unha liña de bolsas que mantén – para a compra de manuais- un ano máis.
 |
LIBRO DIXITAL Este curso ponse en marcha - en colaboración coa Axencia para a Modernización Tecnolóxica de Galicia- un novo proxecto de plataforma de contidos curriculares educativos dixitais, que se implantará neste 2014/2015 en 84 centros educativos de toda Galicia.
|  |
PLAMBE (Plan de Mellora de Bibliotecas Escolares)
Un total de 33 centros educativos públicos incorpóranse este curso 2014/2015 ao Plan de Mellora de Bibliotecas Escolares (PLAMBE).
 |
NECESIDADES EDUCATIVAS ESPECÍFICAS
A Consellería destina un total de 3.223 profesionais á atención á diversidade do alumnado dos centros públicos, entre os que se encontran profesionais de pedagoxía terapéutica, de audición e linguaxe, intérpretes de linguaxe de signos, coidadores, orientadores (que ademais de avaliar ao alumnado traballan con el para a obtención de mellores resultados), fisioterapeutas, etc..
 |
 | OBRAS EN CENTROS EDUCATIVOS O período 2009/2014, xa suma máis de 73,8 millóns de euros en investimentos en obras de construción e ampliación en 31 centros educativos. |
