jueves. 28.03.2024

Coa presenza do alcalde de Arbo, Horacio Gil, como convidado, a Ilma. Irmandade de Cabaleiros da Sta. Lamprea celebrou o pasado día 10 de marzo a súa trixésimo oitava xuntanza. Con esta son trintaeoito as edicións desta celebración que leva a esta xenuína irmandade a peregrinar a Arbo todos os anos para declarar a súa devoción á lamprea.

 

Como ven sendo habitual, a xornada comezou coa xuntanza na parroquia de Cabeiras, seguida da xa tradicional baixada ao río, onde todos os anos depositan unha mensaxe nunha botella no que se recollen os desexos para o vindeiro ano que arroxan ao curso do Miño. Despois celebrarían unha misa en memoria dos irmás xa finados. Antes de comezar coa degustación da lamprea nas súas diversas preparacións (estilo Arbo, asada e rechea) os novos lampreiriños, aquelas persoas que desexan incorporarse á Irmandade, tiveron que demostrar a súa devoción á lamprea e a súa fidelidade aos principios da Irmandade.

 

A Ilma. Irmandade de Cabaleiros da Sta. Lamprea, naceu hai corenta anos, froito da veneración dun grupo de fieis por este singular peixe, que eleva a degustación deste manxar a un estadio cuasi místico. Así o manifesta o alcalde, Horacio Gil, que agradece a invitación para copresidir esta entrañable xornada de convivencia, así como o traballo desenvolvido por este grupo de amigos en favor da Lamprea de Arbo

XXXVIII xuntanza da Ilma. Irmandade de Cabaleiros da Sta. Lamprea