jueves. 28.03.2024

Jacobo Moreira xa llo avanzou hai uns meses aos veciños de Mourente e ata o momento estanse a cumprir os prazos establecidos. Fomento saca a exposición pública a reforma da estrada N-541, “agora tan só queda por saber se o goberno local cumprirá cos veciños desta parroquia na instalación do saneamento” apuntou Moreira “servizo básico polo que levan esperando os 15 anos de goberno de Lores”, engadiu.

 

“Sería un xesto dun goberno intelixente se levase a cabo as obras pertinentes para a instalación do saneamento ao mesmo tempo que Fomento realiza as melloras da estrada, diminuíndo así as molestias que lles poidan ocasionar aos veciños de Mourente”, advertiu o presidente local. Polo que ante esta situación, o Partido Popular empraza ao equipo de goberno de Lores a poñerse en contacto co Ministerio para chegar a acordos para compaxinar as dúas obras.

 

“O saneamento do rural é o gran esquecido de Lores a pesar de que os veciños levan moitos anos demandándoo”, sinalou Moreira. Polo que o Partido Popular pídelle ao goberno local un compromiso serio e formal e que este asunto “non caia en saco roto” coma ocorreu en outras zonas de Pontevedra coma Médico Ballina, onde por non iniciar as obras antes de que Adif asfaltara, privaron aos veciños da instalación de auga corrente.

 

Ademais, Moreira esixe un aumento da partida que o goberno de Lores ten destinada para este problema “xa que dun proxecto dun millón de euros, agora Mourente só conta 50.000, o que supón todo un insulto para os seus veciños”. Así mesmo, o Partido Popular pide urxencia neste asunto porque non se pode entender que un servizo básico e tan demandado aínda non chegase a moitas zonas das 15 parroquias que ten Pontevedra.

Moreira: “Estou cumprindo con Mourente. Lores non”